कविता : हेच तर जीवन आहे

 कविता : हेच तर जीवन आहे...

धेयाच्या दिशेने

वाटचाल करित राहणं

न थकता, न कंटाळता

हरल्यावरही पुन्हा लढा उभारणं

प्रामाणिक कष्ट

सन्मार्गावर निष्ठा

जीवनावर विलक्षण प्रेम

व प्रयत्नांची पराकाष्ठा

हेच तर जीवन आहे... || 1 ||

पडलेल्यांना उठवणं

हरलेल्यांना धिर देणं

सत्कार्यात मदतीचा हात

समाजहितासाठी अविरत राबणं

व्याकुळ झालेल्यांना हसवणं

विलग झालेल्यांना एकत्र आणणं

सभोवार आनंद पसरवताना

अनाथांनाही कवेत घेणं

हेच तर जीवन आहे... || 2 ||

भुकेलेल्याला अन्न

तहानलेल्याला पाणी

आकाशाखाली विसावलेल्यांना

छोटसं छत देणं

खचलेल्यांना आत्मविश्वासी बनवणं

आसुसलेल्यांना थोडा जिव्हाळा

वाट चुकलेल्यांना सन्मार्ग

व आनंदोत्सव नित्य साजरा करणं

हेच तर जीवन आहे... || 3 ||

______________________________________

✍️ *मनोहर साळुंके, कल्याण*