कविता:- झाले असेल तर (कवी-दीप)

 ||   झाले असेल तर ||

 झाले असेल तुमचे मिडीयावाले

जर सुशांत, रिया,कंगनाचे प्रकरण

तर इकडेही जरा लक्ष द्या...||

दाखवाना तुमच्या स्क्रीनवर गरिबांच्या व्यथा

कोरोना महामारीने झालेत जे बेरोजगार

मिळेल का हो तुमच्यामुळे त्यांना रोजगार...||

शेतकरीही झालायं बघा ना किती बेहाल

उचलेना झालेत व्यापारी त्यांचा शेतमाल

बियाणे हि  आता डुप्लिकेट मिळतात

कसे हे व्यापारी त्यांचे पैसे उकळतात...||

आॅन लाईनने म्हणे शिक्षण आता मिळणार

गरीबांच्या मुलांना सांगा ना ते कसे कळणार वणवण दिवसभर भटकावे लागते पोटासाठी

होईल का ऐपत त्यांना अॅण्ड्राॅइड फोन घेण्यासाठी...||

पैशेवाल्यांच्यासाठी आहे का सूरू तुमचे चॅनल

त्यांचेच कौतुक कसे करते हो तुमचे हे चॅनल

आहेत किती तरी उग्र प्रश्र्न देशांमध्ये

कधी तरी करा त्यांनाही कव्हर  तुमच्या ब्रेकिंग न्यूजमध्ये...||

रचनाकार ©️ कवी-दीप.

कल्याण प.जिल्हा ठाणे.

महाराष्ट्र राज्य.