कविता : दीपावलीचा सण

 कविता : दीपावलीचा सण

 

आला बाई आला

दीपावलीचा सण

चकल्या,लाडू नि करंज्या

सारं सारं गोड खाणं

फटाक्यांची आतषबाजी

रोषणाईचा थाट

नव्या को-या कपड्यात

सजली पायवाट

उभा बांधावरी माझा

कष्टी शेतकरी दादा

धारा गाळूनी घामाच्या

करी जगण्याला वादा!

राखी बांधला हात

भाऊबीजे सज्ज होई

पाठीवरली बहिण

दाराकडे वाट पाही!

असा दिवाळीचा सण

साज-शृंगारीक

कुणी गरीब -अमीर

जपे रित पौराणिक!

 

  कवी-गोपाळ वेखंडे