वृद्ध महिलेचे दागिने चोरणाऱ्या तिघांना अटक ...

 वृद्ध महिलेचे दागिने चोरणाऱ्या तिघांना अटक ...  

डोंबिवली ( शंकर जाधव )  वृद्ध महिलेचे  दागिने चोरणाऱ्या तिघा चोरट्यांना   टिळकनगर पोलिसांनी अटक केली. ज्योतीनगर परिसरात राहणाऱ्या तिघांनी गेल्या काही दिवसांत पाच ठिकाणी चोरी  केल्याचे पोलिसांनी सांगितले. तिघांनी आतापर्यंत ५  गुन्ह्यांची कबुली दिली.   असून  आरोपींकडून  पोलिसांनी २  लाख ५५  हजारांचे दागिने हस्तगत केले..

  १२  डिसेंबर रोजी सकाळी सात वाजताच्या सुमारास डोंबिवली पूर्व भागातील श्रीकृष्ण नगरात राहणाऱ्या ७५  वर्षीय आजीबाई चंद्रप्रभा पिळणकर या कचरा टाकण्यासाठी घराबाहेर पडल्या होत्या. कचरा टाकून घरी परतत असताना दोन दुचाकीचालक त्यांच्या समोर आले. त्यांनी आजीबाईंच्या गळ्यातील दागिने हिसकावून पळ काढला. आजीबाई खाली पडल्याने त्या जखमी झाल्या होत्या. टिळकनगर पोलिसांनी गुन्हा दाखल करीत आरोपींचा शोध सुरू केला. सीसीटीव्हीच्या सहाय्याने पोलीस आरोपींच्या शोधात होते.त्या चोरट्यांना पकडण्यात टिळकनगर पोलिसांना यश आले. कल्याण परिमंडल-३ चे पोलीस उपायुक्त पानसरे, सहाय्यक पोलीस आयुक्त  जयराम  मोरे यांच्या मार्गदर्शनाखाली तपास सुरू होता. या प्रकरणातील दोघे आरोपी विशाल वाघ आणि जाधव यांना अटक करण्यात आली. या दोघांना मदत करणारे गजानन घाडी याला सुद्धा अटक करण्यात आली.