आठ कोटी खंडणी प्रकरणी पती पत्नीला विष्णुनागर पोलिसांकडून अटक

 आठ कोटी खंडणी प्रकरणी पती पत्नीला  विष्णुनागर पोलिसांकडून अटक

डोंबिवली (शंकर जाधव)  बिल्डरकडून आठ कोटींची खंडणी उकळणारे बंटी -बबली अखेर विष्णुनगर पोलिसांच्या जाळ्यात अडकले.दीड तासाच्या प्रयत्नानंतर पोलिसांनी घराचा दरवाजा तोडत महिलेसह तिच्या पतीला अटक केली आहे.

डोंबिवली जवळील नांदिवली परिसरातील एका विकासकाला इमारत बेकायदेशीर असल्याबाबत तक्रार करण्याची धमकी देत तब्बल  ८ कोटींची खंडणी उकळणाऱ्या दाम्पत्यासह दोन साथीदाराविरोधात मानपाडा  पोलिसांनी विद्या म्हात्रे,विश्वनाथ म्हात्रे, सुनील म्हात्रे आणि एकनाथ म्हात्रे यांच्या विरोधात  गुन्हा दाखल केला होता . या प्रकरणाचा तपास निःपक्षपाती पणे व्हावा म्हणून याचा तपास वरिष्ठांच्या आदेशाने विष्णूनगर पोलिसांकडे सोपवण्यात आला होता. महिनाभर उलटूनही हे चौघे पोलिसांच्या हाती लागत नव्हते.आज या प्रकरणातील मुख्य सूत्रधार विद्या म्हात्रे व विश्वनाथ म्हात्रे हे दोघे घरी असल्याची माहिती विष्णू नगर पोलिसांना मिळताच त्यांनी घरावर छापा टाकत या दोघाना अटक केली .दरम्यान या महिलेने घराला कुलूप लावून ती आपल्या पतीसह घरात लपून बसली होती .पोलिसांनी घराला टाळा बघितला मात्र संशय आल्याने टाळा तोडत घरात घुसून या बंटी बबलीला अटक केली .या नंतर या महिलेने आरडाओरड करत एकच गोंधळ घातला .या प्रकरणी त्यांचे दोन  साथीदार सुनील म्हात्रे, एकनाथ म्हात्रे फरार असून यांचा शोध पोलीस घेत आहेत.