काँग्रेसच्या बॅनरवर शिवसेनेच्या दोन नगरसेवकांचे फोटो

 काँग्रेसच्या बॅनरवर शिवसेनेच्या दोन नगरसेवकांचे फोटो

 

डोंबिवली ( शंकर जाधव ) कल्याणमध्ये आगामी महापालिका निवडणुकीच्या पार्श्वभूमीवर कधीही न घडलेल्या अशा घटना घडताना दिसत आहेत. कल्याणच्या नेतीवली चौकात लावण्यात आलेल्या काँग्रेसच्या बॅनरवर शिवसेनेचे दोन माजी मल्लेश शेट्टी आणि नविन गवळी यांचे फोटो झळकले आहेत. त्यामुळे विविध चर्चांना उधाण आलं आहे.

काँग्रेस नेते नाना पटोले यांनी विधानसभा अध्यक्षपदाचा राजीनामा दिल्यानंतर त्यांना पक्षाकडून प्रदेशाध्यक्ष पदाची जबाबादारी देण्यात आली आहे. प्रदेशाध्यक्षपदी नियुक्त झाल्यानंतर नाना पटोले कल्याणमधील नेतीवली नाक्यावर एका खासगी कार्यक्रमासाठी येत आहेत. या कार्यक्रमानिमित्त त्यांचे कल्याण नगरीत स्वागत आहे, असा बॅनर काँग्रेसच्या वतीने लावण्यात आला आहे. विशेष म्हणजे यामध्ये शिवसेना नगरसेवक मल्लेश शेट्टी आणि नवीन गवळी यांचेही फोटो आहेत.

 

     शिवसेनेचे माजी नगरसेवक मल्लेश शेट्टी यांनी गेल्या आठवड्यात नेतीवली नाक्यावर खासदार श्रीकांत शिंदे यांच्या वाढदिवसानिमित्ताने शुभेच्छा देणारा बॅनर लावला होता. मात्र, या बॅनरमध्ये खासदार डॉ.श्रीकांत शिंदे यांच्या जवळच्या कार्यकर्त्यांना टोमणे मारण्यात आले होते.‘खासदार दिलदार है, मगर चमचो से लोग परेशान’, असा मजूकर या बॅनरमध्ये होता. या बॅनरमुळे कल्याणमधील शिवसेनेचे अंतर्गत मतभेद चव्हाट्यावर आले होते.तर कल्याणमधील नेतीवली नाक्यावर कॉंग्रेसच्या बॅनरवर शिवसेनेचे दोन माजी मल्लेश शेट्टी आणि नविन गवळी यांचे फोटो झळकले आहेत.याच नेतीवली चौकात माजी नगरसेवक मल्लेश शेट्टी यांचं ऑफिस आहे. विशेष म्हणजे या नेतीवली नाक्यावर मुंबई, नाशिक आणि पुण्याच्या दिशेला जाणाऱ्या हजारो गाड्यांची रोजची वर्दळ असते.